طريقك منين يا مصر
هترسى على أى بر
عايشه فى دنيا قهر
يا تغلبى وتعيشى النصر
يا تنسى دنيا البشر
*******
علمك دايمآ مرفوع فى أرضك
نسرك شامخ وحامى عرضك
اسمك مصر مطبوع فى القلب ذكرك
اغانى النصر دايمآ تتغنى باسمك
فى عز الحزن ننسى الهم ونترمى دايمآ فى حضنك
*******
امسكى بأيديا ايدك
وصلى نبضى بوريدك
امسحى دمعى بصوابعك
غالى عليا وصفك
وسط القلوب بيتك
شجره اوراقها تاريخك
*******
نفسى ارسم صورة اتمنى فيها رسمك
لكن كل صورة بعيده عن ملامحك
ملامحك الطاهره البريئه تايهه فى وسط المعارك
اعدائك ناس كتيره مستحيل يطفوا نارك
وقلمى مهما يكتب يتمنى يوصف شبابك
شجاعه ولادك اطفالك شيوخك
******
فى السلم دايمآ نلاقى ايادى تزرع غيطانك
وفى الحرب دايمآ نلاقى ايادى تحرس سلاحك
من فرحتى بثوره يناير خايف عليكى منك
خايف عليكى من عدو بيسمى نفسه جارك
نفسه يلاقى فرصه يخطف فرحه ولادك
اوعى تنسى يا غاليه انك اكبر خواتك
يوسف المصرى
الخميس فبراير 17, 2011 12:12 pm